MULTICARE - Det fleirkulturelle stabsfelleskapet i norske sjukeheimar

Bakgrunn

Norske styresmakter krev at praksisen i sjukeheimar skal vere basert på forsking. MULTICARE vil bidra til dette gjennom å inkludere leiarar og tilsette på sjukeheimane frå prosjektstart til prosjektslutt, og ved å samarbeide med USHT i Oppland og Sogn og Fjordane.  I samarbeid skal det utprøvast ny kunnskap knytt til leiing av multikulturell stab.

Meir omtale av forskingsprosjektet på heimesida til Senter for omsorgsforskning vest, HVL: https://www.hvl.no/prosjekt/521351/

Mål

Forskingsprosjektet skal sjå på korleis sjukeheimar organiserer omsorgsarbeidet, tenestene og den multikulturelle staben. Sentrale spørsmål er:

• Kva typar av utfordringar og moglegheiter, organisatoriske, sosiale og eksistensielle, erfarast av ulike aktørar i multikulturelle arbeidsfellesskap ved norske sjukeheimar?
• Kva praksisar, rutinar eller tiltak finst det på ulike nivå som er retta direkte mot desse utfordringane og moglegheitene?

 

Metode / tiltak

Prosjektet har fire arbeidspakkar med følgjande forskingsfokus;

1. Rekrutterings- og inkluderingspraksiser ved sykeheimer i rurale og urbane strøk
2. Leiarskap og praksisar kring integrering av etniske minoritetar i arbeidsfellesskapa.
3. Kunnskap og trening av leiarar for multikulturell stab.
4. Kommunikasjon av, og praksisar knytt til, pasientars død i eit multikulturelt og multireligiøst arbeidsfellesskap.

Ved å nytte ei blanding av ulike forskingsmetodar vil me kartlegge problemstillingane og få innsikt i erfaringane til dei ulike aktørane på, og knytt til, sjukeheimane. Metodane vil mellom anna vere deltakande observasjon, intervju og fokusgruppe-intervju med leiarar, tilsette ved sjukeheimane, brukarar og pårørande.

Arbeidspakke 3: Ein implementeringsstudie som kombinerer generelt feltarbeid med utvikling, pilotering og evaluering av eit etterutdanningsprogram (samskaping, der alle aktørane er aktive deltakarar i heile prosessen).

Overordna målsetting for arbeidspakke 3:

• Å utvikle og implementere ei etterutdanning for leiarar i kommunale helse- og omsorgstenester
• Gje leiarar i kommunale helse- og omsorgstenester tilbod om eit kompetanseløft som ikkje eksisterer pr i dag

Resultater

Prosjektet er inne i publiseringsfasen. Det blir arrangert ein avsluttande konferanse i Bergen i april 2020.

Førebels resultat av arbeidspakke 3: Kunnskap og trening av leiarar for multikulturell stab:

• Utarbeidd kursplan og pilotert «Etterutdanning i mangfoldsledelse for kommunehelsetjenesten» (vedlegg)

Nettsida «Mangfoldsledelse for kommunehelsetjenesten» https://blogg.hvl.no/mangfoldsledelse/

Samarbeidspartnere

Senter for omsorgsforsking (vest og aust), Uni Research Rokkan, Universitetet i Stavanger, Stavanger Universitetssjukehus, The Netherlands Institute for Health Service Research (NIVEL), USHT Oppland og USHT Sogn og Fjordane.